បែកសម្បុកឧក្រិដ្ឋជន Scam online កម្លាំងចម្រុះខណ្ឌច្បារអំពៅ បង្ក្រាបទីតាំងសង្ស័យបោកប្រាស់តាមប្រព័ន្ធបច្ចេកវិទ្យា (Online Scam) ឃាត់ខ្លួនជនជាតិចិន ១១នាក់ ក្នុងបុរី (សុងឃុន)
(ភ្នំពេញ)៖ ក្រោមបទបញ្ជាដឹកនាំផ្ទាល់របស់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ! គណៈបញ្ជាការឯកភាពរដ្ឋបាលខណ្ឌច្បារអំពៅ! បានបើកប្រតិបត្តិការចុះត្រួតពិនិត្យរដ្ឋបាល និងបង្ក្រាបទីតាំងសង្ស័យប្រព្រឹត្តបទល្មើសតាមប្រព័ន្ធបច្ចេកវិទ្យា (Online Scam) ចំនួន ០២ខ្នងផ្ទះជាប់គ្នាក្នុងនោះផ្ទះលេខ
58 59 ដោយឃាត់ខ្លួនជនបរទេសចំនួន ១១នាក់!
ប្រតិបត្តិការនេះបានធ្វើឡើងនៅព្រឹកថ្ងៃទី២៩ ខែឧសភា ឆ្នាំ២០២៦ នេះ ស្ថិតនៅក្នុងបុរីសុង ឃុន ភូមិស្វាយតាអុក សង្កាត់វាលស្បូវ ខណ្ឌច្បារអំពៅ រាជធានីភ្នំពេញ! ដឹកនាំកម្លាំងដោយ
លោក ម៉ូវ ម៉ានិត អភិបាលខណ្ឌច្បារអំពៅ និងមានការសម្របសម្រួលនីតិវិធីពី លោកព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ។
⚖️ ជាលទ្ធផល សមត្ថកិច្ចបានរកឃើញ និងឃាត់ខ្លួនជនជាតិចិនសរុបចំនួន ១១នាក់ (ប្រុសទាំងអស់) រួមជាមួយនឹងវត្ថុតាងសម្ភារមួយចំនួន។
បច្ចុប្បន្ន ទាំងមនុស្ស និងសម្ភារវត្ថុតាង ត្រូវបានប្រគល់ជូនស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធីច្បាប់៕
រាយការណ៍ដោយ www.ssbhotnews.com.kh
