ក្រសួងការពារជាតិ បានឱ្យដឹងថា នៅព្រឹកថ្ងៃទី២០ ខែមិថុនា ឆ្នាំ២០២៦ សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ អញ្ជើញជាអធិបតីប្រារព្ធខួបអនុស្សាវរីយ៍លើកទី៤៩ ទិវានៃការចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧ – ២០ មិថុនា ២០២៦) និងខួបលើកទី៤៨ ថ្ងៃបង្កើតកងកម្លាំងប្រដាប់អាវុធសាមគ្គីសង្គ្រោះជាតិកម្ពុជា (១២ ឧសភា ១៩៧៨ – ១២ ឧសភា ២០២៦) នៅតំបន់ប្រវត្តិសាស្រ្តយោធាតេជោកោះថ្ម (X16) ស្ថិតនៅភូមិកោះថ្ម ឃុំទន្លូង ស្រុកមេមត់ ខេត្ត ត្បូង ឃ្មុំ។
ក្រសួងការពារជាតិ បញ្ជាក់ថា ពិធីនៅថ្ងៃនេះដើម្បីរំឭកឡើងវិញនូវដំណើរប្រវត្តិសាស្ត្រជាតិរបស់កម្ពុជា និងរំឭកនូវការធ្វើពលិកម្មលះបង់អាយុជីវិតផ្ទាល់ខ្លួនរបស់សម្តេចតេជោ ហ៊ុន សែន និងបង្ហាញការដឹងគុណចំពោះមិត្តភក្តិបរទេសមួយចំនួន ដែលបានជួយឧបត្ថម្ភគាំទ្រដល់បុព្វហេតុនៃការ តស៊ូរបស់យើង ជាពិសេសកងទ័ព និងជំនាញការស្ម័គ្រចិត្តវៀតណាម៕